Annamayya Keerthana || Chakkani Talliki Changu Bhala

 Chakkani Talliki Changu Bhala(Telugu)

చక్కని తల్లికి చాంగుభళా తన

చక్కెర మోవికి చాంగుభళా ||

కులికెడి మురిపెపు కుమ్మరింపు తన

సళుపు జూపులకు చాంగుభళా |

పలుకుల సొంపుల బతితో గసరెడి

చలముల యలుకకు చాంగుభళా ||

కిన్నెరతో పతి కెలన నిలుచు తన

చన్ను మెఱుగులకు చాంగుభళా |

ఉన్నతి బతిపై నొరగి నిలుచు తన

సన్నపు నడిమికి చాంగుభళా ||

జందెపు ముత్యపు సరులహారముల

చందన గంధికి చాంగుభళా |

విందయి వెంకట విభుబెన చినతన

సంది దండలకు చాంగుభళా ||

Chakkani Talliki Changu Bhala(English)